قصص مؤثرة مع قصيدة

الموضوع في 'الشبكة الثقافية' بواسطة ام العيال, بتاريخ ‏27 مارس 2011.

  1. ام العيال

    ام العيال عضو بلاتيني




    قصص مؤثرة من واقعنا المرير نسمع عنها في زمننا الحاضر وأزماننا التي مضت ونتأثر بها 
    وتكاد تفطر قلوبنا عندما نسمعها ولكن تكرربين الحين والاخر وكأن الانسان لم يسمع عن هذه القصص ولم يتعظ ...وكأن ديننا لم يحثنا على ذلك  ... فمن له قلب رحيم سوف يتأثر بهذه القصة  



    لاحول ولا قوة إلا بالله
    ...
    نعوذ بالله من عقوق الوالدين

    الشاعر جحيش بن مهاوش قال قصيدته المرثية في عياله حيث دعا عليهم واستجاب الله دعوته ولم ينجبوا أولادا

    وقيل أنهم تزوجوا مرة ومرتين وثلاث من أجل أن يزرقهم الله

    ولكن أمر الله قد نفذ وانقطعت من ذلك الزمان ديارهم


    (ولم ينجبوا أولاداً

    والقصة وما فيها

    أنهم تنكروا لوالدهم حيث توفيت أمهم وهم صغار وقام بتربيتهم حتى كبرواوكان لهم بمثابة الأم والأب

    يسهر الليالي على رعايتهم وراحتهم وفي النهاريذهب لجلب طعامهم

    ............. الخ
    وعندما كبروا تنكروا له وأصبح لايريده أحد منهم مراعاة لخاطر زوجاتهم اللاتي تأففن من

    خدمته وصار كل واحدمنهم يطرده من بيته فما كان من الوالد إلا أن سكن إحدى (الخربات) 

    حتى صارلا يقوى على النهوض أو السير

    وضعف بصره فذهب زاحفا يتوسل ويرتجي أبناءه بأنيمكث عندهم حتى يقضي الله أمره فلم يستجب له أحد منهم

    .............. 

    فقال فيهم الأبيات التالية : 



    قـال الـذي يقـرا بليـا مكاتـيـب
    ياللي تقـرون العمـى مـن عماكـم
    ياعيالي اللـي تشرفـون المراقيـب
    تريضوا لي واقصـروا فـي خطاكـم
    خذوا كلام الصدق مـا بـه تكاذيـب
    مثل السنـد مضمـون للـي وراكـم
    ياعيال لا صرتوا ضيـوف ومعازيـب
    تـرى الكـلام الزيـن ملحـة قراكـم
    وتروا السبابة مـن كبـار العذاريـب
    وهرج البلايـس مـا يطـول لحاكـم
    المذهب الطيب فهـو مذهـب الطيـب
    والمذهـب الخايـب يبـور نسـاكـم
    ياعيـال مـا سرحتكـم باللواهيـب
    ياعيال مـا عمـر المعـزب ولاكـم
    ياعيـال ماضربتكـم بالمشاعـيـب
    ولا سمعـوا الجيـران لجـة بكاكـم
    يامـا توليـت القبايـل تقـل ذيـب
    من خوف لاينقـص عليكـم عشاكـم
    وياما شربت السمن من عرض ماجيب
    يفزقلبـي يــوم يبـكـي حـداكـم
    أحفيت رجلينـي بحامـي اللواهيـب
    وخليت لحم الريـم يخالـط عشاكـم
    ياعيال دوكـم لحتـي كلهـا شيـب
    هـذا زمـان قعودنـا فـي ذراكــم
    قمت اتوكا فـوق عـوج المصاليـب
    قصرت خطانا يـوم طالـت خطاكـم
    عطوني القرضـة عليكـم مطاليـب
    عطوني القرضة جـزى مـن جزاكـم
    لابـد يـوم عـاوي دونـي الذيـب
    بالقبر ما افرق طيبكـم مـن رداكـم
    ماني بفاضحكـم بوسـط الاجانيـب
    باعمالكـم يـدرون كـل اقربـاكـم
    لوكـان تـدرون الـردى والمعاييـب
    صرتوا مع المخلـوق مثـل خوياكـم
    خوالكـم بالطيـب تـروي المغاليـب
    ولوتتبعـون الجـد محـدن شناكـم
    وش علمكم يـا تاركيـن المواجيـب
    حسبي عليكم هالـردى ويـن جاكـم
    قصيتكـم واسنـدت وادي سلاحيـب
    ولقيـت بالصبخـا مدافيـق مـاكـم
    ياعيال بعتونـي (بصفـر العراقيـب)
    مـا هـي حقيقـة سـود الله قراكـم
    يالله عسى اعماركم شمسهـا تغيـب
    يعتـم قمركـم ثـم تظلـم سمـاكـم
    يا علكـم فـي حاميـات اللواهيـب
    ياللـي علـى الوالـد خبيـث لغاكـم
    شفت الجفا والحيف والغلب والريـب
    بضلوعكـم لابـيـض الله قـراكـم
    عسى نساكم مـا تحمـل ولا تجيـب
    ولا حدن من البزران يمشـي وراكـم
    اخسوا خسيتوا يـا كبـار اللغابيـب
    اهبـوا هبيتـوا يقطـع الله نمـاكـم






    نعوذ بالله

    من عقوق الوالدين

    اتمنى انها اعجبتكم وتبين لكم هول محتواها فأنا متأكدة أن صاحب القصيدة لويعلم ما أصاب أولادة بعدة ....سوف يتندم
    على دعاءه على أولاده ويستغفر ربه لان قلب الوالدين أحن من أي قلب ....الله المستعان
     
  2. المهذب جدا

    المهذب جدا عضو بلاتيني

    قصه جميله لكن اسم الشاعر اجمل من القصه :D
     
  3. ام العيال

    ام العيال عضو بلاتيني

    شكراً على مرورك أخي مهذب جداً ؟!؟. ولكن ليس لي دخل بأسم الشاعر ولاالشاعر له دخل في أسمه فالاسم مفروض على الانسان
      ولوكان بإستطاعة الانسان أن يختار أسمه يوم مولدة لأختار أفضلها ....شكراً ​
     
  4. ام العيال

    ام العيال عضو بلاتيني


    إن الظلم من أبشع الصفات الموجودة في هذه الدنيا ...لانها تغير حياة الانسان المظلوم من شقي إلى أشقى ومن سعيد إلى حزين
    ولا تنقله إلى الافضل أبداً ....فعسى أن ينجلي الظلم عن كل مظلوم ...فهذه قصة لشخص إنظلم وإدخل في السجن ...وصعبت عليه نفسه ولم يزوره أحد وهو يشاهد المساجين يزورهم أهلهم وأبنائهم ....


    فكان الشاعر السجين 

    ماراً من أحد الممرات وفي ذلك الممر كانت 

    ( ريم وأمها ) داخلين لزيارة سجينهم 

    والشاعر سمع صوت الأطفال فتذكر أبنائه 

    فدمعت عينيه

    فرأته ( ريم ) فقالت ريم لأمها : 

    ( يمّه الرجال يبكي !! ،، فقالت أمها زاجرة : ريم !!! )

    عندها ،، كتب الشاعر هذه القصيدة 


    أبكي وعيني تسهر الليل يـا ريـم
    مدري بلاها الشوق والا الظليمـه 

    يا ريم دمع العين مدري على الريم
    والا على قلبـن تواكـل صميمـه 

    تقول لاطمني علـى نونهـا سيـم
    أبكي وعندي لأزرق الدمع قيمـه 

    ويمكن يكون الدمع للعيـن تكريـم
    ويمكن يكون لها عذاب وحريمـه 

    والله يا لولا دمعتـن كنهـا الديـم
    راحت ضلوعي من عذابي حطيمه 

    ودام البكا يا ريم ما فيـه تحريـم
    يا عنك والله لأرخص الدمع شيمه 

    وابكي على حالي من الوجد وآهيم
    لين الزمن يخلـف عليّـه نسيمـه 

    أبكي حياتن صافيه ما بهـا غيـم
    وين المحبـة والقلـوب السليمـه 

    أبكي قهر وابكي من الغبن والضيم
    وابكي من طعونن بقلبـي قديمـه 

    غدر الزمن خلّى بوجهي مراسيـم
    وما يذبح الرجال مثـل الهزيمـه 

    بعض المصايب شرها ياكل الهيـم
    وشلون بكبود الرجـال الكريمـه

    وبعض المصايب يخلفن المفاهيـم
    تبغى على ما قيل صبر وعزيمـه

    مظلوم بالدنيـا وغيـري مظاليـم
    من عرض ناسن لبسوهم جريمـه 

    ما عاد أبي من سود الأيام تعليـم
    عقب العذاب اللي كلاني جحيمـه

    ولو تصفي الدنيا علـيّ الملازيـم
    ما عاد أدور من وراهـا غنيمـه
     ​
     
  5. خيــال

    خيــال عضو بلاتيني

    الأخت .العـزيزة أم العيـال,,,

    قصـائد...قـد نأخـذ منهـا العبـر والشيء الكثير..من المعرفة,,

    القصيدة الأولى.وقصتها..مؤلمــة...والثانيــة معــذبــة!

    كـانت المجـالس قـديمـاً لاتخلـــو ..من هذه الحكـايا..فـ المجالس .مدارس,,

    الآن..لـو وجـدت من يحـولها لعمـل تـلفزيوني جيد الأخـراج..لـ اتعض الكثـير,,,

    ومن لا يـرحـم ..لا يُــرحم,,,

    شـكراً..لوعيـــك..:وردة:
     
  6. ام العيال

    ام العيال عضو بلاتيني


    شكراً حبيبتي خيال ....تتطرقت لهذه القصص ونقلتها لما فيها عبرة مثل ماتفضلتي فقصص الشجاعة والتاريخ لها محبيها

    والقصص الانسانية والاجتماعية لها محبيها أيضاً ...لذلك ستجدين أغلب القصص المنقوله لها نوع خاص ونكهة معينة

    سلمتي ..ياحبيبتي والله لايحرمني منك أبداً ​
     
  7. ام العيال

    ام العيال عضو بلاتيني


    بســـم الله الرحــمـــــن الرحيـــــم


    هذه قصة رائعه وقديمة ولكن ليس بها قصيدة ولكن بها شطر بيت يعتبر لغز حير أغلب الناس

    ((بنشدك عن نور القمر وشلون نوره))


    قصه حقيقه حصلت في قريه قريبة من مدينة الرياض في السعوديه --> قبل ان تسمى الرياض. 
    كان هناك شاب اسمه عايش ، يعيش في هذه القريه وكان يحب بنت اسمها نوره .

    في يوم من الايام ذهب عايش لكي يخطب نوره ولكن ابو نوره رفض 
    لانه عايش كان على قد حاله وما عنده حلال ولا عنده فلوس كثيره 
    فشاف عايش نوره عقب ما طلع من عند ابوها وقالها: نوره انا راح يصير عندي فلوس 
    وراح اشتغل وراح ارجع اخطبك واتزوجك 
    ونوره كانت تحب عايش فوافقت انها تنتظره.

    سافر عايش الى منطقه مرموقه في السعوديه وصار يشتغل في التجاره 
    ومرت الايام وصار عنده فلوس ورجع لقريته عشان يطلب يد نوره من جديد ويتزوجها 
    ولكن لما رجع القريه تفاجى انه نوره تزوجت لانه ابوها اصر عليها انها تتزوج .

    وكان عندهم البنيه لازم تتزوج اذا جاها شاب قادر على الزواج.

    وتفاجى ايضا انه ومو بس تزوجت بل هاجرت الا مكان ثاني مع رجلها ولا احد من القريه يعرف المكان.

    فقام صاحبنا عايش وقال بيت شعر (ابنشدك عن نور القمر وشلون نوره) 
    وقرر يسافر ويدور على نوره. 
    ومر على القريه الاوله وراح وسلم على امير القريه وقاله 
    انا عندي لغز والي يجاوب عليه بعطيه كل حلالي
    فقاله الامير وشو اللغز ؟
    قال: (ابنشدك عن نور القمر وشلون نوره؟) 
    احد الجالسين قال له ابيض .
    واحد ثاني قاله اصفر .
    وكل الاجوبه غلط 

    محد عرف حل اللغز.

    فسافر الى قريه ثانيه وطرح عليهم نفس اللغز ومحد عرف الجواب 

    راح للقريه الثالثه وكان تعبان من السفر فقالهم
    انا عندي لغز والي يعرف يحله بعطيه كل حلالي 
    قالهم (ابنشدك عن نور القمر وشلون نوره؟) 

    محد عرف الجواب فقالهم انا اليوم بنام عندكم لاني تعبان والي يعرف الجواب يقوله لي الصبح
    فرجع واحد منهم للبيت وقال لزوجته: نوره.
    قالتله: سم . . قال: جانا اليوم واحد خبل يقول عندي لغز والي يحله بعطيه مالي 
    وحلالي كله .
    فقالت له: قولي وشو اللغز يمكن احله.
    قالها: (ابنشدك عن نور القمر وشلون نوره؟) 
    فبتسمت نوره وقالتله : عرفت الجواب 

    قالها : صدق ؟؟؟
    قالت له : قوله (مثل السمك في البحر وشلون عايش؟) 

    فقام الصبح رجل  نوره وراح وقاله انا عرفت الجواب .
    فقاله : وشو الجواب ؟؟
    قاله: (مثل السمك في البحر وشلون عايش؟) 
    فبتسم عايش وقاله : هذا مالي وحلالي وسلملي على نوره



    ミ☆ミفِي أَمَآنْ اللــہミ☆ミ​
     
  8. مع الله

    مع الله عضو مخضرم

    أي أعجبتني ,,
    وحهد متميز من أختنا المتميزه " أم العيال " ,,
    والحقيقه ,, أنا سمعتها بجرة ربابه ,, وكان المؤدي ممتازا في جرها ,,
    ونسأل الله عز وجل أن يسدد خطانا ..ونبر بوالدينا ..ونحقق لهم الطاعه ..أحياء يرزقون ..أو بعد عمر طويل يالله حسن الخاتمه ...


    جهدك متميز أختنا الرائعه أم العيال ,,

    دمتي والقارئ الكريم بحفظ الله و رعايته ,,
     
  9. جمـوح الخيل

    جمـوح الخيل عضو مخضرم

    يعطيك العافيه أم العيال على القصص المؤثر أما الأولى عن عقوق الوالدين
    كل مره أسمعه كأني أول مره أسمعها والدموع أربع أربع لين ما يطخ كل اللي برأسي...

    أما قصة نوره وعايش..قصة جميلة كجمال ونقاء أهل البادية..ولاأظن أن نجد مثلها في هذا الزمان
    لانه زمن الابتزاز والشهوات ....حتى وأن عاش بداخلنا حب طاهر عفيف لشخص ما ..يستحق
    هذا الحب فأنتِ مجبورة على كتمانه ....

    فلا يبقى الا الدعاء بالتوفيق للجميع والايمان بالقدر خيره وشره..

    أم العيال شكراً:وردة:

     
  10. نوماس

    نوماس عضو بلاتيني

    اسجل اعجابي بموضوع الزميله...ام العيال...وبما ان البداية كانت بتلك

    القصه عن ..العقوق...

    فاحببت ان اشارك بهذه القصه المتعلقه بشخص يقال ان اسمه عدوان

    الشمري... توفى اخيه...وكان لهذا الاخ المتوفى ولد ...اسمه جريس..

    وحتى لا تتزوج الارمله من اجنبي ويتعرض الولد للمتاعب اضطر عدوان للزواج

    من ارملة اخيه...وفي رواية اخرى للقصه انه تخلى عن امرأة كان يعشقها

    ويرغب بالزواج بها..

    ..وبعد ان كبر الولد وابتدأت لحيته بالظهور اظهر الجفاء والقسوه في معاملة

    عمه...عند كبر سنه...

    قال عدوان الشمري هذه الابيات مذكرا ابن اخيه جريس... بفضله عليه..

    وانه ما تزوج امه إلا ..حرصا عليه...



    ياجريس يامشكاي شاكن واشاكيك ........اشوفها من بين الأصحاب ضاقة

    يا جريس اخذت امك علشان تاليك ........لا معجب زينه ولا هي عشاقة

    عمك لو تنشده كـــان يــنـبــيــك .........وش حق من ربا ك طفل حواقــة

    يا ما بعدلات الشبايا نعشـــيـــك ....... في ليلة ذوق العشاء به شــفاقــة

    واليوم يومنها كبـــرت عــلا بـيك ........ جمعت مع شين الطبــايـــع نزاقـة

    سبع العوذ يا جريس خلن واخليك ...... مامن وراء عيال الأخوان فاقــة

    لصار بالدنيا صديقك معاديك.............. مامن ورا عوج النصايب صداقه


     
  11. ام العيال

    ام العيال عضو بلاتيني



    هلا أخوي أذكر الله (الف من ذكره). . شكراً لمرورك وتدوين ملاحظتك ..

    ودمت بحفظ الله... ​
     
  12. ام العيال

    ام العيال عضو بلاتيني


    هلا وغلا أختي العزيزة النشطة (ماشاء الله ) ياصغير مايكبرني لقب......وشكراً على ملاحظاتك النيرة

    وأفتخر بك وبوعيك والله يبارك بك ....فأنت نعم البنت البارة لوالدها فحنينك له غمر مشاعرنا ياأختي

    شكراًً لمرورك العطر  ​
     
  13. ام العيال

    ام العيال عضو بلاتيني


    شكراً لمشاركتك الايجابية أخ نوماس ياشاعر ....فهي إضافة جداً رائعة .....وشكراً لإطرائك للموضوع ولمرورك المميز ​
     
  14. ام العيال

    ام العيال عضو بلاتيني


    هذه قصة رجل يشكو جفا والده منه وأنه حاول أن يرضي والده بكل الطرق ولكن والده قلبه شوي قاسي ....فمن منا لم يخطئ
    حتى لوكنا بدون قصد ندرك خطأنا ونعتذر ونستغفر ربنا ونتوجه للاعتذار لأقرب أحبتنا ولكن إذا كان الطرف الثاني قوي باس
    ولايرضى بسهوله ...فهذا والد شاعرنا حرق قلب ولده عليه ولم يرضى على أبنه ولا نعلم ماهو موضوع الزعل ولكن الهون أبرك مايهون
    ولماذا الجفى والصدود والاصرار على الزعل الذي يولد القطيعة وأبنك يحاول ان يرضيك بكل الوسائل ..فتألم الولد لجفى والده وعبر عن هذا الالم بأبيات شعرية ...


    اللة أمر بالوصل من. بين.. الاقراب ...وحنا ..بوقت.. زايد... بالقطيعه ..,,


    وانا من اللي شفت بالحيل منصاب ...وضاقت على الارض لوهي وسيعة ..,,


    يابوى انا من صدتك عارضي شاب ...وحطيت في كبدي جروح شنيعة ..,,


    مغبر اهوجس مثل ..منهار الاعصاب ...انا اشهد ..ان صدتك عني وجيعه ..,,


    ولا ..لقيت لها... تفاسير ...واسباب ....والظاهر معاتبتك محرمة في الشريعه ,..


    شفت المهونه من شباب ....وشياب ...وانا عن الحقران... نفسي رفيعه ..,,,


    لا نيب.... سربوت ...ولا نيب ..كذاب ...ولا لي مع الانذال.... شرية وبيعه ..,,,


    يابوى.. افك الباب ...وتسكر الباب ...وخصيتني يابوى في... ذا الطبيعه ..,,


    حتى اصغر الاخوان كشر لي الناب ...ما كنى ..إلا ..بايق... لي وديعه ..,,,


    ولا احد خذا لى شور في كل الانساب ..ياللة دخيلك من .....حياه الهزيعه ..,,


    ويوم النزايل يايبه صرتوا ...احزاب ...احد نصى الهيضل.. وأحد في البديعه ..,,


    ترى المعونه جات من رب الارباب ...لا احد يحسب... انى برجوى صنيعة ..,,,


    لا لكن ابى جمع القرايب والاحباب ...قدام كل (ن ) يغلق الموت ....ريعه ..,,


    صاروا اخوانى عند ورعاني اغراب ...شي يولع في ظميري ..وليعه ..,,,,


    ليا أسئلوني يغرق الدمع الاهداب ...ياللة عسى من.. لامنى.. للفجيعه ..,,


    يونس على كبدة مثل عضة الداب ...وارحم عياله لا امر .... لا ما يطيعه ..,,,


    يابوى طيرك له جناح ومخلاب ...يحط في ربد ... الحباري ...فنيعه ..,,,


    ما هوب حق انك تحطة بسرداب ...وتحملة.. من... فوق ...ما يستطيعه ..,,,


    حطه على يمناك وتشوف الاعجاب ...وافخر بطلعاته مع اهل الطليعه ..,,,


    هذا الولد والله الواحد يفتخر فيه وينحط على الراس ....الله يسامح والده ....والله المستعان

     ​
     
  15. رائعة القصيده ومؤثره جدا .. وأنا أرى انا دعاء الأب على أولاده هؤلاء اقل مايستحقون ... بل يستحقون اكثر من ذلك ... والأخ مهذب جدا تمنيت ما تعلق على الإنسان المأساوي إلي قال هالقصيده .. لم ينقصه إلا تعليقك على اسمه ... كن مهذبا ...
     
  16. ام العيال

    ام العيال عضو بلاتيني

    هلا أختي شجون الكو يت ...شكراً على مرورك ..وشكراً على ملاحظتك إلي في محلها .....وأهلاً بك دائماً في متصفحي المتواضع
     
  17. ام العيال

    ام العيال عضو بلاتيني



    السلام عليكم ورحمة الله وبركااااته أعجبتني هذه القصة التي تحمل في طياتها قصيدة معبرة وأحببت نقلها لكم 

    خلينا اقولكم عن بطل القصة صاحب القصيدة وهي لشخص سوداني عادي حدث له موقف محرج مع إمرأة متعجرفة شايفة نفسها عليه في محل سوبر ماركت كبير معروف وسرد على صديقة المثقف هذا الموقف  !؟!؟ فماهو هذا الموقف ؟؟ وماهي ردة فعله ؟؟ وماذا قال في لحظتها؟ وماذا قال عندما رجع لبيته ونظم قصيدتة وأعطاها لصديقه ؟؟ إليكم القصة على لسان السوداني وصديقة  

    كنت أسكن قبل أشهر في إحدى الدول الخليجية ، وفي يوم من الأيام وأنا بالمحل مع زوجتي ، جاءت إمرأة الى ( الكاشير ) (المصرف) وأبت نفسها أن يتقدمها هذا العبد التكروني كما ظهر ، فقالت له بلهجتهم (( وخريالأسود ) ، بتشديد الخاء وكسرها ، وترجمتها بالسوداني .
    للما بعرفو منضمة الخلايجة (( زح يا عب )) فتفاجأ بهذا الاحراج أمام جميع المشترين ( والذين بالطبع أغلبهم رجال يسكتون حين تظهر امرأة لتشغل جميع حواسهم الاخرى ابتداءا من العين )، وسط ذهول الجميع قال لها: (( أسود؟؟أسود ؟؟ الاسود ساترك يا مرا !!! ) ويقصد اللبس الاسود اى العبائه .
    أخبرني ذاك الرجل السوداني واضح البساطة والكدح والأصالة والذي يبلغ ما يقارب الخمسين أن هذا أقصى ما استطاع قوله لحظتها والمرارة في قلبه من منظره أمام الناااس ، وبكل أسف كانت زوجته بعيدة عن الموقف فلم تتكفل بالرد على بيضاء الجلد هذه بما يليق ( او لا يليق ) مر الموقف مع اندهاشها من رده .

    عاد الى البيت وبدأ كتابة هذه القصيدة ، والتي أفلح لاحقا في أيصالها لهذه الاميرة عبر ( الشغال أو البشكار ) الهندي بتاعهم ، ثم بعث بها الى احدى المجلات العربية ( لا اذكر اسم المجله ) فقلت له هل انشرها لك كاملة هنا ؟ فقال لابأس على ألا تسبب له بمشكلة ، فهوليس بخبير كما يبدو بدروب الانترنت فقلت له ضاحكه أبشر يالاسود ... واتمنى اني اوفق في نقلها لكم

    قالت لي ياأسود - رجعت للوراء 
    حنطي لونهاااا وبشرتي سمراء
    مغرورة شكلها تحب الطاعة والولاء
    السواد هو الوطن في القارة السمراء
    سوادي هبة خالقي وأحس بارضاء
    لوني شرف لي وللكعبة كساء
    للرجــال مميز للشوارب واللحاء
    سوادي في العيون زينة وبدونه عماء
    لوني شهامة ورجولة ما به ما يساء
    سوادي خيام بادية لعروبة كرماء
    تعلمين لوني للمرأة ستر وجمال وغطاء
    سوادي على كل راس أمنية النساء
    وإن كان شعرك أبيض تشترين لوني بسخاء
    وبعدما تضعينه تعودين شباباً للوراء

    تقولين أســـود ؟؟؟
    تقولين أســـود ؟؟؟ 

    وكل من يزور الكعبة يقبل لوني بانحناء
    السواد هو صندوق سر لرحلات الفضاء
    السواد هو بترول مبدل صحاريك لواحة خضراء
    لولا السواد ما سطح نجم ولا ظهر بدر في السماء
    السواد هو لون بلال المؤذن لخير الأنبياء
    لولا السواد لا سكون ولا سكينة بل تعب وابتلاء

    تقولين أســـود ؟؟؟

    تقولين لي أسود
    والسواد فيه التهجد والقيام والسجود والرجاء
    فيه الركوع والخشوع والتضرع لاستجابة الدعاء
    فيه ذهاب نبينا من مكة للأقصى ليلة الاسراء
    لو ضاع السواد منا علينا أن نستغفر ونجهش باليكاء

    عــــزيزتي

    تأملي الزرع والضرع وسر حياتنا في سحابة سوداء
    اسمعيني والله انتي مريضة بداء الكبرياء
    أنصتي لنصيحتي يا مرا ولوصفة الدواء
    عليك بحبة مباركة من لوني مع جرعة من ماء
    أنا لست مازحاً وستنعمي والله بالصحة والشفاء
    سامحيني يا مغروره لكل حرف جاء وكلمة هجاء
    وكل ما ذكرت هو حلم في غفوة ليل أسود أو مساء
    لا أسود ولا أبيض بيننا في شرعنا سواء
    كلنا من خلق الله الواحد نعود لآدم وأمنا حواء 

    " إن أكرمكم عند الله أتقاكم ". والله أثر فيني هذا الشاعر البسيط الغير معروف وأبدى إستيائة 
    بقصيدة معبرة لذلك نقلتها لكم وعسى ان يعجبكم إختياري!! 
     
  18. جمـوح الخيل

    جمـوح الخيل عضو مخضرم


    ياضيم عيني..يمكن واحد من اخوانه دخل بينه وبين الاب يعني يفتن على أخوه عند أبوه..
    لأن بعض الناس الله يكفينا شرهم ويشغلهم بأنفسهم عن المسلمين يحب يفرق بين الاحباب
    ويسعى أن تكون العلاقة مقطوعه لانه ما يرجي الآخره و لايخاف من الله ...

    والله وقف شعر راسي من قصيدته..
    الله المستعان..

    وأغبط الشاعر على الاقل يقدر يعبرعن مافي نفسه ينثره على الورق ماأقول إلا الله يرحم حالي....

    جزاك خير أم العيال وأصلح الله لك ذريتكِ
    قصيدة مؤثرة ومحطمة لمن يحمل قلب:وردة:
     
  19. ام العيال

    ام العيال عضو بلاتيني

    هلا أختي ياصغير مايكبرني لقب ... اسعدني مرورك ...والله يستر من الناس الي ذكرتيهم ويسون المكائد بين الأصحاب والأقارب
    مايحوشهم إلا ذنوب ....والله يمهل ولا يهمل .....شكراً لمرورك العطر ..ياأختي. ​
     
  20. ام العيال

    ام العيال عضو بلاتيني


    هذه قصة أعجبني ..لما فيها من أخلاق الشاعر من كظم غيظه وحلمه في بعض المواقف حتى لايلحقه منقود ولكن وصل السيل الزبى
    فما فعل هذا الشيخ الشاعر عندما غضب من شيء يؤثر في نفسيته ...أخذ يفضفض عن نفسه بقصيدة فقط لتغير
    لنقرأ القصة وعس تعجبكم وإن كان سمعتوها مروركم يشرفني

    هذه القصة حدثت مع الشيخ ساجر الرفدي من قبيلة عنزه


    الشيخ ساجرالرفدي شجاع والمعروف لا يعرف وهو من قبيلة عنزه جاه ضيف اسمه خليف

    وحكاله قصته وشكاله قال انا شدو جماعتي عني وخلوني وجلست انا والدتي


    قال الشيخ ساجر رح وجب والدتك وبيتك وتعال اسكن عندي ربي يحييك

    والي تبيه اعطيك

    راح وجاب والدته وبيته وجاور الشيخ ساجر واكرمه

    وفي يوم من الايام طلع الشيخ ساجر للقنص وقاله ياخليف ابي اقنص تعال معي


    رد عليه خليف قال ابشر ياشيخ خير ان شاء الله0

    راحو يقنصون وكان مع الشيخ ساجرصقر اسمه حطاب وسلوقي اسمه خطاف

    أثناء القنص


    شافو صيدتهم وهدو الطير لكن خليف صوب وجت بالطير ومات
    تضايق الشيخ ساجر
    المهم كملو الصيد

    ويظهر ارنب ويهدون السلوقي ويصوب بكل عجله انت ياخليف ويموت السلوقي


    وكل هذه يبي يصيد خليف بندقه على نيته ابن الحلال


    قال الشيخ ياخليف رجعنا لاهلنا

    رجعو لبيوتهم ووقتهم في رمضان جاء الشيخ يصلح قهوت

    والا مافيه غير طبخه وحده من القهوه والهيل صلح القهوه واركاها على جنب النار
    وكان الشيخ يشرب سبيل التتن الي يحطونه بالعظم
    سوى له سبيل وحطه ينتظر وقت الغروب حتى يشر
    خليف راح لوآلدته وحكى لها القصه اللي صارت معهم
    قالت الام ترى الشيخ طيب ورح يمه وحب على رأسه وتسامح منه عن اللي سويت
    جاك خليف يبي يحب رأس الشيخ0

    وكان ثوبه طويل وقشع الدله وكان وقت الفطور في شهر رمضان
    المهم استحى ورجع وهو يدوس السبيل له مكسره

    قال ساجر الرفدي


    البارحـه بالليـل عـزًي لحالـي

    قضيت انا ليلي حزيـن ومحتـار 

    مصيبـةِ ماشفتـهـا باليـالـي

    ياتقل يوهج بالضماير لهب نـار 

    مصايب جنـي مـن اول وتالـي

    اربع مصايب لوعني من الجـار 

    الأولـه حطـاب يعـادل عيالـي

    اشقرعديم ولأبرق الريش نثـار 

    والثانيـه خطـاف مالـه مثالـي

    شره على تيس الجميله اليا ثـار 

    والرابعه سويت بصغـر دلالـي

    وقصرتها وفاحت على بن وبهار 

    والرابعه بالعظم تتـن الشمالـي

    وافلست منهن حين حزات الأفطار 

    ياليت جتني قوم وافنـت حلالـي

    واصبر على مر الليالي والأعزار 

    ماشفت مثل خليف قليل ووآلـي

    من خلقت البدوان مامثلها صـار 


    ============

     

مشاركة هذه الصفحة