شيخنا الفاضل
" أبي عمر "
جُزيت خيراً على هذه الدرر
" أدب الحوار "
أتمنى أن أستفيد منها أنا شخصياً .
جزانا وإياكم أخي الكريم , عسى الله أن يتقبل منا ومنكم صالح الأعمال
.
.
شيخنا الفاضل
" أبي عمر "
جُزيت خيراً على هذه الدرر
" أدب الحوار "
أتمنى أن أستفيد منها أنا شخصياً .
تدري شنو نسمي اللي توك سويته ... نسميه لقافه .. وفي قول آخر ملاقه ... وذهب البعض إلى وصفه بالهلاقه ...
شوف .. شغل ال copy & paste و الفهلوه والثلاث ورقات ... والتظاهر بالعلم .. وحركات الصياعه ..
هذي تلعبها بعيد عني ... العبها على اللي يتهولون من كثر اللي تكتبه وما يعرفون معناته ...
هسوالف تلعبها على اللي ما يبون يشغلون عقولهم ... ولا يبي يتعبون يقرون او يفكرون في اللي يقرونه ...
اما انا يا بيه ... فسوالفك هذي ... سوالف القص واللزق .. ما تمشي علي ... دور غيري ..
انا الحمد لله عندي عقل .. وافكر فيه .. يعني استخدمه .. وما ارضى اسلمه لاحد ..
اما ادب الحوار فعلم نفسك ودرس عمرك .. رغم اني ادري انك اصلا ما قريت اللي قصيته ولزقته هنيه ...
واذا مو عاجبك ادبنا ... ولا يمشي مع منهجك .. يا خوي محد غصبك تشارك ...
ولا انت تشارك فقط لتحاول ان تشوشر فقط !!! تعمل زحمه بس ... ولا شكو بالقص واللزق اللي فوق بموضوعنا ...
تحلى بالادب اللي تنادي به ... واترك غيرك يعبر عن رأيه ... ولا تحاول تضيع الناس وتدخلهم فرعي ...
الحين اترك السوالف وعلمنا ...
اشصار على رسيفرك الاسلامي ...ولا طهبله نفس اللي فوق
أحسنت يا فهد , فكل ما سبق قد أبان عن أخلاقك وحسن تربيتك , ولكني لا أجاريك في هذا فهذا حدي الآن قد وصلتُ إليه , إلا أني أقابل هذه السيئة بالحسنة وأعفو عنك عن هذه الكلمات البذيئات , بل وأدعو لك أيضا فجزاك الله خيرا
.
هذي كلمات بذيئات !!!!!
وقلت الادب ... وتجر اذيال الخيبه ... واتهامك لنا باللمز والهمز .. وتدخلت في نوايانا ... ومادري شنو ... كل هذا مو من بذئ القول ... !!!!
يا اخي احترم عقولنا ...
وارجع لمشاركاتك ... وشوف كلامك ...
وبعدين شسالفه ... واحد يركد والثاني يشوت ... قامو يجرون لك ناعم
الحين يشكرونك على قص ولزق ... مو قلت لك هذيل اللي تمشي شغلك عليهم ..
شكراً على القص واللزق !!!!!
... ما عرفو عن ادب الحوار الا بعد ان قصيته ولزقته لهم ...
الحمد لله بس على العقل ...
ورحت الله يسلمك وما علمتنا شصار على الرسيفر الاسلامي
والله شكلك لا شريته ولا شيء .. كلمه قلتها وتوهقت ....
ان قلت شريته وكلامي صحيح ... طلعو يتاجرون بالدين ...
وان قلت ما شريته طلعت كذاب ... بلشه صح ؟
وقد رأيت الإعلان المذكور على الريسيفر الإسلامي الذي أرشدنا إليه فهد , وبصراحة قد استنكرته جدا , ليس لكون مشارى راشد حفظه الله يغني فيه بهذه الكلمات , وإنما الصورة العامة المختلطة وهذا الجو لا يليق بتاتا بقارئ للقرآن حافظ لكتاب الله تعالى , وليس من مصلحة الدعوة مخالفة أصول الدعوة , فإذا كانت هذه عند بعض الناس في رأيه رسالة سلام ومحبة الخ الخ , فلماذا يجب أن يقوم بها حامل القرآن الإمام بالمسلمين , ولماذا يجب أن يكون فيها إختلاط على هذا النحو ؟!
.
بس علشان يعرف الاخوان منو يجادل .. ومنو يطولها .. ارد عليه شرق يرد علي غرب .. ردودي عليك شكو برسيفر بو عمر بارك الله فيه وحفظه ؟!اولا انا لم اشكك باصل العفاسي .. لاني بكل بساطه اعرفه واعرف اهله ... واعرف اصلهم وفصلهم ..
ثانياً .. انا لم ولا استطيع ان اتطاول على الاسلام .. لسبب بسيط وهو اني مسلم .. اما انتقادي لمن يسمون انفسهم اسلاميين فانت وافقتني ان لا عصمة لبشر الا لرسول الله ..
وساظل انتقد اي شيء ما يعجبني سواء هم او غيرهم ...
ثالثاً .. الاخ ابو عمر يقول انه اشترى الرسيفر الاسلامي الذي لا تظهر فيه المرأه .. لقناعته بعدم جواز ظهور المرأه بالتلفزيون .. ونحترم قناعاته .. لكنه فاجأنا بقوله انه شاهد انشودة العفاسي اللي تظهر فيها المرأه على الرسيفر الإسلامي ... !!!!
وانا هنا انصح الاخ بو عمر ان يرجع الرسيفر الاسلامي او يشتكي عليهم عند حماية المستهلك لانهم اظهرو المرأه ... وهم في اعلانهم قالو انه ما راح تظهر ... ويرجعون له فلوسه ..
رابعاً ... افتح اي موضوع مثل ما قلت لك ... الموضوع اللي يعجبك وخل نتناقش .. لانه فعلا هذا الموضوع اخذ اكثر من حقه ...
اما الفرق بين كاتب هذه السطور ... ومشاري ( العفاسي ) .. في هذه الدنيا الفانيه ... فقد صدقت ورب الكعبه ... انه الفرق بين السماء والارض ... ... واللي اقدر عليه صدقيني لا هو ولا جده يقدر عليه ... ولله الفضل والمنه
ما شاء الله عليك ... صج تعرف أهل الكويت
تجذب برمضان .. وتقول اننا نكفر فلان وعلان ..يعني شفت كلمتك هذي ( صار فنان ) لو انك قايلها قبل امس كان كفروك ... وقالو انك تتهجم على الدين ..
تجذب و تقول اننا نتهرب عن الاجابة مع ان كل الكلام كان مكررما شفنا منهم ولا واحد من امس .. وهم اللي كانو واقفين لنا على الكلمه ...
تجذب هم برمضان وتقول ان احنا نبي نسكر الموضوع ( و قسما بالله العظيم ) ان هذا مو ببالي و لا قاعد آخذ واعطي الا علشان ابين ان امثالك ما عندهم الا الانتقاد لمجرد الهجوم .. والحمد الله هذا صار واضحوحاولو اغلاق الموضوع لمجرد اننا انتقدنا تحول العفاسي للبزنس ...
و هذا اساس استغرابي .. تجذب و تقول كبيرهم و افتى و مستحى .. وانت ما تدري شالسالفة او انك ما قريت ردودنا عليك ؟لكن و من البارح .. ومنذ ان افتى كبيرهم هنا .. ان العفاسي اخطأ باللي سواه .. ما سمعنا لهم حس .. بس واحد شارك وبنعومه بالغه وشكله مستحي انه يرد ..
تجذب وتلمح اننا شوي ونكفرك !وشوي ويطلعونا من اهل القبله ...
تجذب وتقول اننا ما ردينا على هالكلام !كبيرهم يقول نفس كلامنا ... يصير عادي .. ولا اي واحد منهم يرد عليه .. شفت التناقض يارجل
يا اخي احترم عقولنا ... وافهم ... افهم ... موضوع ما يعجبك ... ليش تشارك فيه .. يا اخي دخلت وحطيت رأيك .. بس انتهى .. شكو 16 الف مشاركه ... مالها اي طعم ولا مازيه الا فقط لتشوش على الناس
وارجع لمشاركاتك ... وشوف كلامك ... كله كلام مكرر .. اللي تقوله تعيده ... يا اخي قلت رايك ... نورنا .. روح افتح موضوع وحط اللي تبي فيه .. الناس ترا فهموا قصدك .. والله العظيم القراء اذكياء ويدرون انك بس بتسوي زحمه ...
بو مشيري لا تطولها وهي قصيره ...
اصل الموضوع .... انتقادنا وتحسفنا على القارئ مشاري العفاسي ... لانه انتهج نهج ما كان ودنا نشوفه ينتهجه ...
اذا انت تشوف انه اللي سواه ما فيه شيء ... رأيك ونحترمه ..
واذا تشوف انه اخطأ ... فنحن ايضاً نرى ذلك ...
الاخ ابو عمر يرى التالي :
المشاركة الأصلية كتبت بواسطة أبو عمر
وقد رأيت الإعلان المذكور على الريسيفر الإسلامي الذي أرشدنا إليه فهد , وبصراحة قد استنكرته جدا , ليس لكون مشارى راشد حفظه الله يغني فيه بهذه الكلمات , وإنما الصورة العامة المختلطة وهذا الجو لا يليق بتاتا بقارئ للقرآن حافظ لكتاب الله تعالى , وليس من مصلحة الدعوة مخالفة أصول الدعوة , فإذا كانت هذه عند بعض الناس في رأيه رسالة سلام ومحبة الخ الخ , فلماذا يجب أن يقوم بها حامل القرآن الإمام بالمسلمين , ولماذا يجب أن يكون فيها إختلاط على هذا النحو ؟!
قريت رأي الاخ ابو عمر .... وايضاً رأيه وهو حر فيه ...
المصيبه يا بو مشيري هو ما ذكره السيد ابو عمر .. من انه رآى الكليب مال العفاسي على الرسيفر الاسلامي اللي كتبت انا عنه موضوع قبل مده ...
نحن الآن امام امرين :
اذا كان ابو عمر صادق ( وانا احسبه كذلك ان شاء الله ) وشاهد الكليب اللي فيه حريم على الرسيفر الاسلامي ..
فمعناتها ان شركة الفلك .. المسوقه لهذا الرسيفر نصبوا علينا .. ويجب ان نحذر الناس منهم لانهم نصابين يتاجرون بالدين ... قالو ما يطلع عنصر نسائي وابو عمر شافهم فيه ..
الأمر الثاني اللي والله ما ابي افكر فيه وان شاء الله انه ما يصير هو ... ان السيد ابو عمر لم يشاهد الكليب على الرسيفر الاسلامي وان ما قاله فقط من قبيل ( المزاح) وما شافه ..
الآن نبي السيد ابو عمر يجاوبنا ... وما زلنا بانتظاره منذ صلينا العصر ...
على العموم انا اثق في ابو عمر واذا ما قال اني كنت ( امزح ) معكم وما شفته ... فانه لا بد من ان نحذر الزملاء في الشبكه من هؤلاء المتاجرين بالدين ...
ولا انت شرايك ؟؟؟
ما زالت استنتاجاتك خاطئة , ولكني على استعداد أن أتنازل عن طلبي بأن تورد هذه المشاركة في الموضوع الآخر وأجيبك عن هذا الإشكال الآن إذا وعدت بأن تُجيب على مشاركة بو مشيري الحبيب بالتفصيل ...
فهل تفعل أم هي أي طريقة للخروج من الموضوع والسلام ؟!!
.
صـلّوا عـ النبي يآ جمآعة ..
لا أتقولون : الشيطآن قص علينّا ..
الشيآطين متصفدة .. شنهي حجتكم ..؟
...
بالنسبة لموضوع الشيخ مشآري الله يحفظه ..
للأمآنة آنا وحدة من الناس .. عآرضت فكرة ظهور البنآت في الكليب لـ سبب وآحد وأهيا ( لحية الشيخ مشآري الله يحفظه ) ..
وقبله .. أنتقدت الشيخ فهد الكندري الله يحفظه .. يوم العآم طلع في الكليب حقه .. بنت بعد .. ولو أنها ما كآنت صوبه .. ومُحتمشة .. والسبب ( لحية الشيخ الله يحفظه ) ..
في المقآبل .. تقبلت آنا شخصياً .. أنآشيد " حمود الخضر " ولو أنها مصحوبة ببعض الإيقآعآت .. والسبب " المنشد حمود بدون لحية "
* اللحية لازم إيكون لها إعتبآر .. وإحترآم .. و للأسف الكثيرين إيدورون عـ الملتحين الزلّة .. والله إيسآمح الشيخ مشآري .. اللي مآ رفض خروج البنآت ( اللي مآله دآعي ) .. وأعطى للبعض فرصة في التحدث عنه ..
..
آنا عن نفسي أعتبر الشيخ مشآري طفرة حقيقة للفن الإسلامي الرآقي .. ويحق له مثل مآ يحق لـ غيره أن يتكسب .. كونه في مآ يرضي الله ورسوله ..
..
شكراً أخوي فـهد ..
:وردة:
على العموم انا اثق في ابو عمر واذا ما قال اني كنت ( امزح ) معكم وما شفته ... فانه لا بد من ان نحذر الزملاء في الشبكه من هؤلاء المتاجرين بالدين ...
كليب رائع ونشيده رائعه .. وضعت النشيده نغمه لهواتفي النقاله من بداية رمضان الى يومنا هذا !
جزاه الله ألف خير وبارك الله فيه الشيخ مشاري بهالنشائد الرائعه .. النشيده بالانجليزي رائعه وبالعربي أروع وأروع .. الى جانب صوت وأداء الشيخ الرائع ..
الكلمات كانت رائعه وخفيفه وتضيف جو جميل لنا في هذا الشهر المبارك ..
لا أرى أي اشكال لا بالفيديو ولا بالنشيده .. صدق من قال : بهالزمن كل من يفتي باللي يهواه !!؟
أجارنا الله !!
أفا والله يا أخوي فهد ...
وصلت إنك تشكك بأخونا الكبير أبو عمر .....
لله دره من زميل وضع له أسمى هدف بالمنتدى
ولا نزكي على الله أحدا ...
ولكن أرجو أن يجزاه ربي كل الأجر على كل ما يكتبه ويجتهد به من أجل دينه والدفاع عنه وتوضيحه ..
أخي فهد أتمنى أن تطالب بإغلاق الموضوع لأنه أخذ حقه وكفاية ..
وتقبل هذا الأمر من إختك المزن كما عهدتك
خالص شكري وتقديري واحترامي للزميل أبو عمر والزميل فهد
تحياتي
انتوا بس تبون تنتقدون وخلاص !! والله عالم غريب ..
رجال صوته جميل .. وعذب .. وشجي .. ونشيدته من اجمل الاناشيد اللي سمعتها برمضان هذا العام والاروع انها كانت بلغات اخرى غير العربيه ..
ولا اتذكر بالنشيده الاناس واطفال من مختلف الجنسيات وصلوا الى الشط لتجمعهم سفرة رمضان !! مالعيب في ذلك ياعالم !!
يعني عشان ملتحي .. وملتزم لازم مايترزق !! وربي منطق غريب !!
وبعدين قنواته تعتمد على مسجات او تسجيلات رقيه و اذكار ماشوف ان فيها شي مادامت كسب حلال ..
ماقول الا يابختك بهالاعمال يالعفاسي اللي بتنور لك قبرك بعد مماتك ..
ابو عمر ... اعلن انهزامي .. وانهياري التام ... وهلاكي ... امام الاخ بو مشيري ..
خلصنا ؟؟؟
الحين تفضل جاوبني على السؤال التالي :
المصيبه هو ما ذكره السيد ابو عمر .. من انه رآى الكليب مال العفاسي على الرسيفر الاسلامي اللي كتبت انا عنه موضوع قبل مده ...
نحن الآن امام امرين :
اذا كان ابو عمر صادق ( وانا احسبه كذلك ان شاء الله ) وشاهد الكليب اللي فيه حريم على الرسيفر الاسلامي ..
فمعناتها ان شركة الفلك .. المسوقه لهذا الرسيفر نصبوا علينا .. ويجب ان نحذر الناس منهم لانهم نصابين يتاجرون بالدين ... قالو ما يطلع عنصر نسائي
وابو عمر شافهم فيه ..
الأمر الثاني اللي والله ما ابي افكر فيه وان شاء الله انه ما يصير هو ... ان السيد ابو عمر لم يشاهد الكليب على الرسيفر الاسلامي وان ما قاله فقط من قبيل ( المزاح) ..
الآن نبي السيد ابو عمر يجاوبنا ... وما زلنا بانتظاره منذ صلينا العصر ...
على العموم انا اثق في ابو عمر واذا ما قال اني كنت ( امزح ) معكم وما شفته ... فانه لا بد من ان نحذر الزملاء في الشبكه من هؤلاء المتاجرين بالدين ...
تفضل .. عطنا الجواب